De Kultur-Secteur huet sech deels missen nei erfannen an déi nei Erausfuerderungen unhuelen. D’RTL-Kulturredaktioun huet sech mat 6 Vertrieder aus de verschiddene Sparten ënnerhalen.
D’Concerte waren Ufank vum Joer eng vun den éischten Evenementer, déi hu missen ofgesot ginn. Wéini een iwwerhaapt mol erëm op e Concert a senger gewinnter Form ka goen, ass onkloer. Fir d’Museker, déi net kënnen op der Bün stoen, en ongewinnten an deels frustrant Joer. Dobäi kënnt, datt d‘Consomméiere vu Musek sech an de leschte Joerzéngte vill verännert huet, a bréngt mat sech, datt et fir d’Museker finanziell ëmmer mi schwiereg gëtt. D’Patricia Baum huet mat der jonker Musekerin Claire Parsons geschwat.
