De Kultur-Secteur huet sech deels missen nei erfannen an déi nei Erausfuerderungen unhuelen. D’RTL-Kulturredaktioun huet sech mat 6 Vertrieder aus de verschiddene Sparten ënnerhalen.
En Artiste op der Bün erliewen, dat war dëst Joer net evident. Zwar konnte verschidde Spektakelen oder kleng Concerten organiséiert ginn, ma bei wäitem ass et net un d‘Quantitéit vun de Jore virdru erukomm. International schaffen, Residenzen am Ausland an vill Collaboratioune waren nëmmen bedéngt méiglech. Am Interview mam Patricia Baum erzielt Dänzerin Simone Mousset, wat fir si international schaffe bedeit.
