Bei den Damme konnt d’Lena Peters op sech opmierksam maachen. Déi 14 Joer jonk Athletin vum Diddelenger Schwammveräin war an der Course vum 100-Meter-Papillon net ze schloen an huet um Enn mat engem staarke Finish ee Chrono vun enger Minutte 2 Sekonnen a 94 Honnertstel realiséiert a gouf domadder Lëtzebuerger Championne.
Fir de Pit Brandenburger waren déi national Meeschterschaften ee leschten Test virun der WM an 3 Wochen a Südkorea. De Sportzaldot ass deemno ouni spezifesch Preparatioun un den Depart gaangen.
Um 1500-Meter-Crowl sollt et net duergoe, fir eng nei perséinlech Beschtzäit opzestellen. Anescht ass et dunn awer um 200-Meter-Brasse gelaf, wou de Pit Brandenburger säi Chrono em 1 Sekonn verbessere Konnt.
D’Championnat an der Coque war deemno fir d’Top-Athlete vun der FLNS dee leschten Test virun der WM an 3 Wochen.
