Gutt Resultat fir de Julien Henx bei de Military World Games. De Lëtzebuerger ass a China iwwer 50 Meter Papillon an der Finall dee 5. ginn. De Lëtzebuerger huet no 23 Sekonnen a 96 Honnertstel ugeschloen, domadder bleift hien nëmme 5 Honnertstel iwwert sengem nationale Rekord.
De Julien Henx hat sech e Sonndeg de Moien als 5. an de Virleef fir d’Finall qualifizéiert. Hie war eng Zäit vu 24 Sekonnen a 27 Honnertstel geschwommen.
Wéinst enger Erkältung ass fir de Raphaël Stacchiotti iwwer 200m 4 Nages nëmmen eng Zäit vun 2 Minutten, 9 Sekonnen a 27 Honnertstel an déi 12. Plaz erausgesprongen. De Lëtzebuerger wäert a China u kenge weidere Competitioune méi deelhuelen, dat aus Récksiicht op seng Gesondheet.
RTL NEWS: 16 Lëtzebuerger si bei der 7. Editioun a China mat dobäi
