De Rafael Nadal huet net nëmmen eng Passioun fir den Tennis, mee ass zanter senger Kandheet och grousse Supporter vu Real Madrid. Zanter 2011 ass den 22-fache Grand-Slam-Vainqueur Éieremember vum spueneschen Traditiounsclub. Elo kéint doraus awer méi ginn.
De 40 Joer ale Spuenier gouf e Mëttwoch vun den Dirigente vum Veräi ronderëm de President Florentino Perez als neie Comitésmember proposéiert. De Nadal selwer huet dës Propos op soziale Medie schonn akzeptéiert. Déi fréier Tennis-Ikon soll den 21. November op enger ausseruerdentlecher Generalversammlung confirméiert ginn. Am Fall, wou d'Memberen dës Propos akzeptéieren, géif hien an de Comité opgeholl ginn.
De Rafael Nadal huet seng Tennis-Karriär 2024 opgehalen. Insgesamt konnt hien ënner anerem 92 Titelen am Eenzel an zwou Goldmedailen op den Olympesche Spiller gewannen.
