Wéi et vun der Police heescht, hätt den Täter hei géint 20.20 Auer eng Waff virgewisen a Suen an Zigarette geklaut. Duerno hätt hie sech duerch d’Bascht gemaach. Et gouf eng Sich an d’Weeër geleet.
D’Lëtzebuerger Police hat dann och déi däitsch Kolleegen informéiert, dass nom Iwwerfall géif no enger Persoun gesicht ginn. Dës hunn doropshin hirersäits eng Sich an Däitschland lancéiert. Géint 22 Auer konnten déi däitsch Poliziste schliisslech eng verdächteg Persoun stellen.
D’Enquête an der Affär leeft den Ament nach.
