No deels hetzegen Echangen tëscht Députéierte vun CSV, DP a Gréng mam ADR-Fraktiounschef Fred Keup hu 48 Députéiert fir d’Ännerung vun der Verfassung gestëmmt. Déi 5 ADR-Deputéiert an den DP-Deputéierte Gerard Schockmel hu mat Nee gestemmt. De Jeff Boonen an de Paul Galles vun der CSV hu sech enthalen. 4 Deputéiert déi net konnten haut do sinn, konnten net mat ofstëmmen, well bei Votten iwwer d’Verfassung Prokuratiounen net erlaabt sinn. Dat waren den Emile Eicher, Jean-Paul Schaaf a Michel Wolter vun der CSV an de Piratendeputéierte Sven Clement.
Aus der Propositioun vun déi Lénk fir den Avortement als Recht an d’Verfassung anzeschreiwen, gouf eng Fräiheet. Dat war e Kompromëss mat der CSV. D’Zil ass, d’Fräiheet vun de Frae fir eng Schwangerschaft kënne ewéi d’Gesetz et virgesäit ofzebriechen, ofzesécheren.
