Op 3 Schwéierpunkten hu sech déi 16 Beamten op der Plaz konzentréiert: D'allgemeng Verkéierssécherheet, déi national Verkéierssécherheetscampagne "Wanterzäit" an d'Bekämpfung vun der Abrochskriminalitéit.
2 Stonne laang goufen Automobilisten an der Route de Remich kontrolléiert. 22 Verstéiss huet d'Police gemellt. Ënnert anerem wéinst Telefon um Steier, kee gëltege Permis dobäi, kee gëltege Contrôle technique oder Luedung net richteg geséchert.
Fir d'Sécherheet op de Stroosse weiderhi garantéieren ze kënnen, wäert d'Police och an Zukunft reegelméisseg Kontrollen uechter d'Land duerchféieren.
