En Dënschdeg sot hien, hie géing d'Resultater akzeptéieren, "wann et éierlech Wale sinn". De Republikaner huet den Demokraten ëmmer nees ënnerstallt, si wéilten d'Resultater manipuléieren. Meenungsfuerscher ginn dovunner aus, datt d'Demokraten d'Representantenhaus a méiglecherweis och de Senat eruewere wäerten.
Gläichzäiteg huet den Trump d'Aschätzungen zeréckgewisen, hie kéint bei enger Néierlag vun de Republikaner fir déi rechtlech zwee Joer am Amt eng "schlamm Int" sinn. Hien hätt e "staarke Veto", esou de President mat Bléck op d'Gesetz-Initiative vun den Demokraten. Hien hat sech virun der Press kuerz virun engem Vol op Texas fir zwee Walkampfoptrëtter geäussert.
No de Presidentiellen 2020 hat den Trump seng Defaite géint den Demokrat Joe Biden ugezweiwelt a behaapt, d'Wal wier him "geklaut" ginn. Geriichter an Autoritéiten hate keng Beleeger fir dës Behaaptung fonnt. Den US-President widderhëlt de Virworf awer bis haut.
E Méindeg huet den Donald Trump iwwerdeems eng Belounung vun enger Millioun US-Dollar fir Hiweiser op presuméierte Bedruch annoncéiert. "Jiddereen, dee Walbedruch bei vergaangene Walen oder bei der ustoender Tëschewal 2026 mellt, kritt 1.000.000.000 Dollar no der Festnam a Verurteelung, vun deenen, déi de Bedruch begaangen hunn", esou den US-President an engem Post op sengem Onlinedéngscht Truth Social.
