Géint 16:55 Auer en Dënschdegowend gouf eng Persoun blesséiert, wéi sech um Boulevard Grande-Duchesse Charlotte an der Uewerstad en Auto an e Moto ze pake kruten. D'Rettungsdéngschter aus der Stad waren hei am Asaz.
Géint 17:07 krut dann zu Nidderkuer an der Avenue de la Liberté en Automobilist e Motosfuerer ze paken. Och hei gouf et ee Blesséierten. Op der Plaz waren d'Ambulancieren an d'Pompjeeën aus dem Asazzenter Suessem-Déifferdeng.
E weidere Motocyclist gouf dann eng Stonn méi spéit bei enger Chute zu Mamer blesséiert a vum lokale Rettungsdéngscht versuergt.
Um 23:15 Auer war et dann nees eng Kollisioun tëscht engem Auto an engem Moto. Dës Kéier zu Diddeleng an der Avenue Dominique Lang. D'Diddlenger Pompjeeën an Ambulanciere waren hei am Asaz.
