Am Lokale mellt de CGDIS ee Blesséierten, nodeems e Méindeg den Owend géint 20:20 Auer op der Collectrice um Beetebuerger Kräiz en Auto an d’Leitplanke gaangen ass. D’Secouriste vu Beetebuerg an Diddeleng waren am Asaz beim Accident op der A13 a Richtung vu Péiteng.
An der Stroossbuerger Strooss op der Gare huet donieft Dreck gebrannt, wat géint 21:30 Auer d'Pompjeeën aus der Stad op de Plang geruff huet. Blesséiert gouf hei keen.
En Dënschdeg ëm 12:12 Auer gouf dem CGDIS dann nach een Accident gemellt. Op der A13 tëscht Schëffleng a Keel a Richtung Schengen gouf eng Persoun blesséiert, déi mat hirem Auto accidentéiert war. D'Rettungsekippe vun Esch-Uelzecht, Schëffleng an Diddeleng waren op der Plaz.
