Einfach, sécher a séier bezuelen, dat ass d'Versprieche vu Wero.
Fir esou muncher ee klappt dat an der Realitéit awer nach net esou ganz. Kritik un der Bezuel-App gëtt et ënnert anerem an de Soziale Medien. Notzer beschwéiere sech zum Beispill doriwwer, datt se d'Wero-App net mat hirem Webbanking verbonne kréien, datt bei enger Transaktioun zwee mol dee selwechte Montant ofgebucht ginn ass oder d'App sech reegelméisseg ophänkt.
Dem Ralf Hamal vun der European Payments Initiative sinn déi Doleancë bekannt:
"Il y a eu des gens qui ont eu des difficultés de s'inscrire, ou leur compte était bloqué pour s'enrôler très fluide comme la plupart des gens. Ça, on a découvert et on travaille là-dessus avec nos partenaires pour résoudre ces petits soucis, mais pour ces gens impactés, des grands soucis."
Ma wat soll ee maachen, wann effektiv zwee Mol dee selwechte Montant vum Konto ofgeet an u wie kann ee sech iwwerhaapt bei Problemer adresséieren?
"Au premier lieu, je dirais, prends contact avec la banque, citez le problème et on va régler ça, la banque et nous, on travaille main en main pour adresser ça, s'il y a un problème de notre côté, on va le résoudre avec la banque, mais en tout cas c'est la banque qui va rembourser la personne, ça c'est clair, c'est toujours le cas."
D'Problemer wieren awer marginal an de Feedback gréisstendeels positiv, mengt de Ralf Hamal, fir deen de Lancement am Grand-Duché alles an allem eng Reussite ass. Déi meescht Payconiq-Notzer géingen elo Wero benotzen.
Et wieren der esouguer méi, betount hien:
"On est à 106 % des consommateurs qui étaient inscrits avant au Payconiq, qui se sont maintenant enrôlés en Wero, alors ça c'est bien, ainsi que les commerçants qui utilisaient Payconiq ont aussi été migrés par notre membre Buckaroo et sont maintenant enrôlés en Wero."
Och un der Unzuel vun den Transaktioune géing ee gesinn, datt sech d'Leit am Grand-Duché un deen neie System gewinnt hätten. Antëscht wieren et der d'selwecht vill Transaktiounen ewéi bei Payconiq, esou de Ralf Hamal, deen awer keng genee Zuele fir de Grand-Duché konnt nennen.
