Den Ament bitt de Mudam e ganz besonnesche Programm un. Kanner kënnen zesumme mat Bomi a Bopi op eng kreativ Entdeckungsrees goen.
“Mat Boma a Bopa” heescht d’Visite guidée, déi eemol wärend all Schoulvakanz organiséiert gëtt. Kanner vu 6 Joer u kënnen zesumme mat hire Grousselteren déi aktuell Expoen am Mudam kucke goen a kréien zäitgenëssesch Konscht erkläert.
Wat e bësse méi duuss ugaangen ass, huet sech séier geluecht a mat groussen Aen hunn déi Kleng dem Guide nogelauschtert - a hu souguer fläisseg matgemaach. D’Grousselteren hunn houfreg mat gelauschtert.
E Stack méi héich bei der “Mudamini Akademie” kréie Kanner tëschent 9 a 12 Joer d’Wierker vum David Wojnarowicz virgestallt. E ganzen Dag laang entdecken d’Kanner dem Kënschtler seng Themen a kucke sech d’Konschtwierker ganz genee un. Bei den interaktiven Deeler stierze sech d’Kanner begeeschtert op d’Pabeieren a Pinselen a loossen hirer Kreativitéit fräie Laf.
Den 29. a 30. Dezember gi weider Visite-guidéeën a Workshoppe fir Kanner a franséischer Sprooch organiséiert.
