Am historesche Gebai Nacional Monte de Piedad goufe Renovatiounsaarbechte gemaach a Basaltbuedem fräigeluecht, déi aus dem Palast vum Herrscher Axayácatl kommen. Dat huet d’National Institut fir Anthropologie a Geschicht e Méinde matgedeelt. Den Axayácatl war Herrscher vun 1469 bis 1491, also e puer Joerhonnert, ier d’spuenesch Eruewerer ukomm sinn.
Am selwechte Gebai goufen elo och Iwwerreschter vum éischte Wunnhaus vum Konquistador Hernan Cortés fonnt. D’Entdeckung gouf am Laf vun de Renovatioune gemaach. Duerch d’Renovatiounsaarbechte soll d’Gebai aus dem Joer 1755 stabiliséiert ginn. D’Gebai grenzt un den Zócalo, déi zentral Plaz vun der mexikanescher Haaptstad.
Zu Mexiko gi reegelméisseg archeologesch Entdeckunge gemaach. 1978 gouf direkt nieft der Kathedral um Zócalo d’Ruine vum Templo Mayor, den Haapttempel vun der Azteken-Haaptstat Tenochtitlán, erëmfonnt.
