Expo an der KrisDigital Expo a Vernissage vu Biller vum Armand Strainchamps

Den Artist stellt an der Pop-Up-Gallerie an der MindForest Lounge an der Stad aus an e Samschdeg den 18. Juli ass d’Ouverture. Wéinst der Corona-Kris kann de Raum awer net gefëllt ginn. Dofir huet d’Plattform fir de Vernissage 15 VIP-Tickete verkaf. Mat deene kann ee mat den néidege Sécherheetsmesurë beim Evenement an der Stad dobäi sinn.

Déi 15 VIP-Tickete si scho fort, et huet een awer nach d’Méiglechkeet de Vernissage gemittlech doheem am Live-Stream kucke kann. Den Accès op de Stream hätt solle 15 Euro kaschten, wéinst de rezenten Entwécklunge vun der Pandemie gëtt de Stream gratis um Facebook-Site vun der Konscht-Plattform gewisen. Donieft kann een eng digital Visitt vun der Expo maachen, um Site www.artworkcircle.lu.

Programm vun der Soirée:

• 8h30 : Ouverture vun der Pop-Up-Gallerie fir d’VIP-Gäscht

• 19h00 : Ufank vum Vernissage a vum Livestream, mat der Musek vun der Jazzsängerin Edith van den Heuvel

• 19h15 : Interview mam Artist Armand Strainchamp a Presentatioun vu senge Wierker

• 19h45 : Concert vum Edith van den Heuvel

• 20h15 : Kuerzen Interview mam Edith van den Heuvel an Enn vum Livestream

• 20h25 : Concert vum Edith van den Heuvel a Clôture vun der Soirée