Wéi d'Police matdeelt, hu Beamten a Sonndeg an der Avenue des Alliés zu Ettelbréck en Auto kontrolléiert, well et duerch eng Partie Modifikatiounen opgefall war. Et sollt sech dann och erausstellen, dass sou munches net an der Rei war um Gefier. Vun technesche Mängel, bis hin zu enger ganzer Partie Ännerungen, déi net konform an der groen Kaart agedroe waren. Dorënner zum Beispill d'Fuerwierk, den Auspuff, grad ewéi e Spoiler. Op Uerder vum Parquet gouf d'Gefier séchergestallt.
