Et huet bëssen ausgesinn, wéi wann eng ganz Rëtsch Fligere géifen hannertenee fléien.
Dat war awer net de Fall.
An Tëschenzäit ass gewosst, datt et sech ëm e sougenannten "Starlink Train" gehandelt huet, ëm Satellitten vun der amerikanescher Entreprise "SpaceX", déi hannertenee geflu sinn.
Domadder soll e globalen Internet-Reseau opgebaut ginn, deen dat anert Joer bal iwwerall op der Welt fonctionéiere soll.
Déi Satellitte kann een iwwregens och e Sonndeg den Owend nach emol gesinn an zwar um 22.23 Auer.
