Kuerz viru 17 Auer koum et op der Streck tëscht Waarken an Ettelbréck zu engem Accident. Eng Persoun huet beim Iwwerhuelen de Säitespigel vun engem anere Gefier beschiedegt, huet refuséiert, e Constat auszefëllen, a sech duerno duerch d'Bascht gemaach. Kuerz dorobber konnt de Chauffer ermëttelt ginn. Bei den Ermëttlunge koum eraus, dass den Alkoholtest positiv ausgefall ass an e provisorescht Fuerverbuet net agehale gouf. Op Uerder vum Parquet gouf den Auto saiséiert.
Eng Stonn méi spéit krut d'Police op der A13 e Fuerer gemellt, dee wéinst sengem Fuerstil opgefall ass. Och hei war Alkohol am Spill. Hie war de Fürerschäin nach op der Plaz lass.
Géint 23.10 Auer ass e Chauffer an der Route de Thionville accidentéiert. Hie krut en Auto op der Géigespuer op der Héicht vum Pont Jean-Pierre Buchler an enger Kéier ze paken. 2 Persoune goufe liicht blesséiert. Wéi sech erausgestallt huet, hat de Fuerer Alkohol consomméiert an huet säi Permis missen ofginn.
