Wéi de CGDIS mellt goufen zwou Persoune blesséiert, op der Plaz waren 2 Ambulanze vun Ettelbréck a Lëntgen, grad ewéi d'Police an de CGDIS vu Biissen.
De CGDIS mellt dann eng weider Kollisioun tëscht zwee Gefierer zu Féiz an der Rue du Brill géint 8 Auer. Och hei gëtt et ee Blesséierten. Op der Plaz waren de CGDIS vu Monnerech an de Rettungsdéngscht vun Esch.
D'Police mellt dann um Donneschdeg de Moien en Accident vun e Mëttwoch géint 15.30 Auer op der A13, tëscht Fréiseng an Helleng. Hei war en Automobilist mat sengem Gefier an e Signaliséierungswon vu Ponts et chaussées gerannt an huet sech doropshin iwwerschloen. Béid Persounen am Auto goufe mat liichte Blessuren an d'Spidol bruecht. Wärend den Opraumaarbechte war eng Spuer fir ongeféier 1 Stonn fir den Trafic gespaart.
