Vum 20. bis de 24. Oktober gëtt an Däitschland déi international renomméiert Frankfurter Buchmesse ofgehalen. Och Lëtzebuerg ass dëst Joer nees vertrueden.
Um Stand vum Kultur | lx – Arts Council Luxembourg ënnert dem Titel “Books from Luxembourg” wäerten zéng Editiounshaiser mat hiren Auteurinnen an Auteure vertruede sinn: capybarabooks, Black Fountain Press, Éditions Guy Binsfeld, Éditions Phi, Éditions Schortgen, Hydre Éditions, Kiwi E.L.G, Kremart Edition, Op der Lay a Zoom Éditions.
De Stand soll d’Diversitéit vun der lëtzebuergescher Editiounslandschaft, déi sech duerch hir Méisproochegkeet an eng Pluralitéit vu Literaturformen auszeechent, Exemplaresch duerstellen, sou Kultur | lx an engem Communiqué. Och de Centre national de littérature an den Zenter fir d’Lëtzebuerger Sprooch huelen un der Foire Deel.
