Offiziell OuvertureDe Filmfestival Cannes huet ugefaangen - vill Stare ware mat dobäi

RTL Lëtzebuerg

De Glamour ass zréck un der Croisette: Vill Hollywood-Staren hate sech en Dënschdeg Rendez-vous zu Cannes gi fir d'Ouverture vun de 74. Filmfestspiller.

Update: 07.07.2021 16:42

De Pedro Almodóvar, d’Jodie Foster, de Bon Joon-Ho an Spike Lee

Nieft dem Jury-President Spike Lee waren de spuenesche Starregisseur Pedro Almodóvar, d’Schauspillerin Jodie Foster an de Regisseur Bong Joon, deen 2019 d’Gëlle Palm fir säi Film “Parasite” krut, do.

D’Jodie Foster huet dann och d’Éierepalm iwwerreecht kritt. An hirer Ried huet si un “d’Suergen an Douedesängscht”, mat deenen der vill wärend der Coronapandemie konfrontéiert waren, erënnert. “An hei si mir erëm, no engem Joer, dat wéi keen anert war, nees an eise wonnerschéine Kleeder”, sot d’Schauspillerin. “Hutt dir de Glamour vermësst? Ech hunn e vermësst”.

The photos published on this site are subject to copyright and may not be copied, modified, or sold without the prior permission of the owner of the site in question.

24 Filmer konkurréieren dëst Joer an der Course ëm déi Gëlle Palm. Do steet jo och Lëtzebuerg op der Affiche.