D’US RnB-Sängerin H.E.R. gouf fir hiren Anti-Rassismus-Titel „I can’t breath“ mam Song of the year priméiert.
De Grammy fir de beschten Album goung un d’Taylor Swift fir “Folklore”.
De Record of the year goung un d’Billie Eilish fir “Everything I wanted”.
D’Beyoncé huet iwwerdeems en neie Rekord opgestallt. Si krut eng Auszeechnung fir de beschte Musek-Video (Brown Skin Girl). Dat war Grammy Nummer 28 an hirer Carrière, sou vill, wéi nach keng Fra jeemools virdrun.
