Bei den Infektiounen ass et eng Hausse vu 64 positiv geteste Patienten zënter en Dënschdeg. Vun den 3.034 Persoune sinn 2.524 Residenten a 510 Non-Residenten.
Zënter en Dënschdeg ass d'Zuel vun den Doudesaffer zu Lëtzebuerg ëm 2 Persoune geklommen a läit elo bei 46 Leit. D'Altersmediane läit bei 86 Joer.
Zanter dem Ufank vun der Kris goufen 26.573 Tester gemaach. Vun en Dënschdeg op e Mëttwoch goufen 871 Tester duerchgefouert.
Am Moment leien 231 Persounen, déi infizéiert goufen, am Spidol, dovunner 34 op der Intensivstatioun. 354 Persoune konnten d'Spidol bis ewell nees verloossen.
