PoliceRonn 70 Asätz wéinst Stéierunge vun der Nuetsrou an eng 50 Asätz wéinst Gestreits a Kläppereien

An der Nuecht vum Silvester op den 1. Januar hat d’Police landeswäit ronn 70 Asätz wéinst Nuetsrousstéierungen. An de meeschte Fäll konnt d’Situatioun berouegt ginn. An e puer Fäll waren d’Persounen awer net méi ze berouegen a goufen an de Passagearrest bruecht.

Ënner anerem:

• An der Stad huet eng alkoholiséiert Persoun an engem Café fir Onrou gesuergt an huet sech geweigert ze bezuelen. Wéinst aggressivem Verhalen an ëffentlecher Stéierung gouf si festgeholl.
  
• Zu Kielen huet eng staark alkoholiséiert Persoun an engem Haus randaléiert a gouf wéinst Gefor fir sech selwer an aner Persounen an den Arrest bruecht.
  
• Zu Hollerech huet eng alkoholiséiert Persoun de Passage vun engem Bistro blockéiert an d'Sécherheetspersonal beleidegt. Och si gouf no enger medezinescher Kontroll an de Passagearrest bruecht.