D'Awunner vun engem Eefamilljenhaus goufe vun 3 Täter iwwerrascht an opgefuerdert hir Suen a d'Bijouen ofzeginn. An där Zäit goufe si mat engem Messer menacéiert.
Bei de Verdächtegen handelt et sech der Police no ëm 3 bis 4 Täter, déi Franséisch mat engem Accent geschwat hunn. Si sinn e Méindeg am fréie Moie géint 00.30 Auer mat engem sëlwergroen Audi A6 Avant geflücht. Beim Auto handelt et sech ëm een eelere Combi-Modell.
D'Brigangen hu sech iwwer Stroossen/Reckendall, wuel a Richtung Areler Autobunn oder Areler Strooss ewech gemaach.
Sämtlech Zeien, déi sou dee beschriwwenen Auto gesinn hunn, solle sech bei der Police um 113 mellen.
