„Mir versichen, iwwert den Doud an d'Stierwen esou mann wéi méiglech ze schwätzen, mä genee dat solle mer net maachen.“ Omega 90 mécht Trauerbegleedung a setzt sech fir Palliativfleeg an.
Trauer kënnt, et kann een net virun der Trauer fortlafen. Heiansdo dauert et 3 Méint, heiansdo och e Joer, sot en Donneschdeg de Moien d'Direktesch vun Omega 90, d'Nicole Weis-Liefgen.
D'Leit waren am Confinement oder déi lescht Méint méi retizent, sech Hëllef ze froen, haten Angscht ze kommen. Mir hunn och Trauerbegleedung iwwer Telefon oder Video gemaach, mä dat ass net dat selwecht, verschiddene Leit hätt et awer gehollef, ergänzt de Fabian Weiser aus der Direktioun.
