Nei Quartiere solle keng Insel an enger Stad ginn an et geet drëms, Ressourcen ze schounen a gläichzäiteg op erneierbar Energie ze setzen.Vill, nei Quartiere wäerten an den nächsten 10 bis 20 Joer zu Lëtzebuerg entstoen. Virun allem déi fréier Industriefriche sollen zum neie Liewen erwächt ginn. Sief et am Minett Esch/Schëffleng oder Diddeleng ewéi am Éislek zu Wolz. "Eco Urbanismus" heescht déi magesch Formule. Hei steet de Mënsch am Mëttelpunkt. Eng Symbios tëscht Natur a Bau soll entstoen. An anere Wierder: d'Iwwerhëtzung bremsen.

© Didier Weber / RTL

© Didier Weber / RTL

© Didier Weber /RTL

The photos published on this site are subject to copyright and may not be copied, modified, or sold without the prior permission of the owner of the site in question.

CO2-neutral Quartiere solle gebaut ginn. Fir ze hëtzen, soll wa méiglech op Geothermie zréckgegraff ginn. Sou Etudë lafe beim Bau vum Quartier "NeiSchmelz" zu Diddeleng. De Vëlo an den ëffentlechen Transport sollen hei am Virdergrond stoen.

Ausserdeem soll generatiounsiwwergräifend gebaut ginn: Eng héich Liewensqualitéit fir d'Awunner, op Biodiversitéit setzen a manner Betoun benotzen.