Kuerz viru 17 Auer e Freideg den Owend koum et op der A1 Héicht Jonctioun Gréngewald zu engem Accident mat engem Camion, deen och Repercussiounen op A7 hat. D'A1 war zäitweis komplett blockéiert an och d'Bretelle vun der A7 vum Waldhaff fort op d'A1 huet misse gespaart ginn.
Eng Deviatioun goung iwwer de Rond-point Serra um Kierchbierg, dat natierlech och op den Niewestroosse fir Chaos gesuergt huet. D'Deviatioun fir den Trafic vun der A1 ass via de Findel an de Rond-point Iergäertche gaangen.
