Dem Vatikan no huet de Poopst Leo XIV., gebiertegen US-Amerikaner, seng Stëmm fir d'Kongresswalen a sengem Heemechtsland per Bréifwal ofginn. Am Aklang mat dëser laangjäreger Praxis vu biergerlechem Engagement hätt de Pontifex säi Walrecht als US-Bierger wouergeholl. Hien huet säi Walziedel zu Chicago agereecht.
Et ass déi éischte Kéier, dass bekannt gëtt, dass e Poopst un enger politescher Wal deelhëlt. De Leo XIV. géing un d'Recht an d'Flichte vun der Bierger, un demokratesche Prozesser deelzehuelen, gleewen, sou de Vatikan weider.
De Poopst war an der Vergaangenheet puermol mam US-President Donald Trump unenee geroden, ënnert anerem well hien, sou wéi säi Virgänger Franziskus, fir d'Migrante Stellung bezunn an dat schaarft Virgoe géint Awanderer an den USA kritiséiert hat. Hie hätt keng Angscht virum Trump. Dësen hat erkläert, de Pontifex wier schwaach a schrecklech an der Aussepolitik.
