Vun e Samschdeg u wäert TotalEnergie "de Präis vum Diesel op 2,15 Euro de Liter a de 705 Statioune vu sengem Reseau" erofsetzen, huet d'Grupp annoncéiert.
Dës Decisioun huet ee geholl "ouni op déi physesch Liwwerung vun de strategesche Stocke vum Diesel ze waarden a fir de senge Clienten Accès un dës Stocken, déi historesch Präisser hunn, ze ginn", esou d'Entreprise.
TotelEnergies wäert "de Virdeel vum méi bëllegen Diesel vun e Méindeg dem 2. November un, ofhängeg vun der Entwécklung vun den internationalen Dieselpräisser, och un all déi aner Tankstelle vun hirem Netz, ausserhalb vun den Autobunne" weiderginn. Op alle Fall wäert d'Entreprise fir den Diesel op all sengen Tankstellen um franséischen Netz un der Uewergrenz vun 2,25 Euro pro Liter festhalen.
Déi franséisch Regierung hofft vun e Sonndeg un op méi niddreg Pëtrolspräisser, déi d'Bierger och spieren. Dofir ginn iwwer dräi Méint 10 Millioune Barrel Diesel aus de strategesche Reserven liberéiert.
Total Energie huet an deem Kader annoncéiert, datt een Rabatter vun 200 Euro pro Kubikmeter Pëtrol fir Privatcliente wäert ginn an datt een 20 Cent pro Liter Diesel fir d'Baueren, d'Bauentreprisen an d'Fëscherei wäert accordéieren. D'Entreprise hat jo am drëtte Quartal en Rekord-Nettogewënn vun 8,3 Milliarden Dollar realiséiert, nach 3,7 Milliarde méi wéi nach dat Joer virdrun.
