Den Enn Februar lancéierten Opruff fir d'Erareeche vu Projetsvirschléi am Kader vun der Europäescher Kulturhaaptstad Esch 2022 gëtt bis den 31. Dezember 2019 verlängert. Dëst opgrond vun enger Rei vun Ufroen, déi beim Organisatiounscomité an der Stad Esch kuerz virun der eigentlecher Frist vum 31. Juli agelaf sinn.
Donieft kréien duerch dës Verlängerung Projeten aus der "Communauté de communes du Pays Val de l'Alzette" d'Méiglechkeet, hir Virschléi anzereechen.
