Am Dezember zejoert hate mir en Opruff gestart fir nei Kannerreporter fir eis KannaNiuuss. 40 Kanner hate sech gemellt a goufen op e Casting invitéiert, siwe vun hinne goufen als Kannerreporter erausgesicht. A genee déi stelle mir Iech hei vir.
Si sinn déi zweet Generatioun vu Kannerreporter, déi bei eise KannaNiuuss matschaffen: d'Elina, d'Finja, de Jonas, de Leo, d'Maite, den Nevio an d'Saira. Si goufen op en Trainingsdag bei eis invitéiert a kruten erkläert, wéi e Journalist eng gutt Fro stellt, wat e gudden Interviewpartner ass, wéi ee verschidde Reportagë kann ugoen a wéi ee virun enger Kamera schwätzt.
Zesummen hu mir verschidden Theeme gesammelt, déi an de Reportagë kënnen agebaut ginn, well si hu jo all verschidden Interessen an Hobbyen.
E Freideg de Moie goufen eis nei Kannerreporter dann och um Radio virgestallt, dat vum Monica Camposeo, Léa Schwartz a Julie Thilges. Hei gouf dann och erkläert, wéi d'Selektioun gemaach gouf.
