Den 28. August owes si vun der Douane um Findel dräi Passagéier kontrolléiert ginn, déi mat engem Fliger gelant waren, dee vu Warschau koum. Een Armenier an zwee Bulgaren hate sechs Wallisse voll Zigaretten aus Drëttlänner dobäi, déi si laanscht d'Douane wollte schmuggelen.
Am Ganze sinn 122.418 Zigarette gezielt ginn, déi ursprénglech aus der Tierkei an Armenien waren. Duerch den Transit iwwer Jerewan, Istanbul a Warschau sollt eng Rees duerch Europa simuléiert ginn. An Zesummenaarbecht mat de franséischen Autoritéiten ass erauskomm, dass d'Zigaretten hätten an d'Géigend vu Bordeaux geliwwert ginn. Déi franséisch Douane ass iwwer d'Saisie informéiert ginn.
