Déi natierlech Landfläche sinn am Gaang, weltwäit ze verschwannen. De Weltklimarot huet an engem rezente Rapport drop higewisen, dass eise Buedem esou misst ugepasst ginn, datt en de Klimawandel iwwersteet.

De fruchtbare Buedem an déi biologesch Diversitéit missten nohalteg geséchert ginn an dat och zu Lëtzebuerg, esou d’Ëmweltorganisatioun Greenpeace.De Weltklimarot warnt ënnert anerem am Kontext vum Klimawandel virum weidere Verloscht vun natierleche Landflächen an eiser Liewensgrondlag. D’Ausweise vun Naturschutzgebidder a Renaturéierunge wier eng Méiglechkeet.

The photos published on this site are subject to copyright and may not be copied, modified, or sold without the prior permission of the owner of the site in question.

E Kärmessage aus dem Rapport vum Weltklimarot ass deen, dass déi weltwäit Landnotzung muss ugepasst ginn. Virop mussen d’Bëscher erhale ginn an d’Landwirtschaft sech upassen: Fir den Direkter vu Greenpeace Lëtzebuerg, Raymond Aendekerk, misst et zu engem Paradigmewiessel an der Agrikultur kommen.