Mat 240 Kilometer an der Stonn ass leschten Donneschdeg e Lëtzebuerger op der A4 bei Reims a Richtung Paräis geblëtzt ginn. Op der franséischer Autobunn sinn 130 Kilometer an der Stonn erlaabt.
Dem Chauffeur säin Audi A6 gouf op Demande vun der Prefektur Marne un d'Police geliwwert. De Mann krut säin Führerschäin ofgeholl an dierf net méi a Frankräich fueren. Deemnächst wäert de Chauffeur vun der Justiz convoquéiert ginn.
