Neie Chefscout fir LëtzebuergDe genauen Oflaf vum Prënz Guillaume sengem Scoutsverspriechen

Hien iwwerhëlt d'Nofolleg als Chefscout vu sengem verstuerwene Grousspapp, dem Groussherzog Jean, dee wärend 74 Joer Chef vun de Scouten am Grand-Duché war.

An dësem Kader deelt d'Associatioun Scouting in Luxembourg (SIL) mat, dass e Freideg, de 4. Oktober 2019, op der Kinnekswiss an der Stad d'Zeremonie ass. Et ginn tëscht 2000 an 3000 Guiden a Scouten erwaart, déi um Evenement deelhuelen. Och de Comité vun der Fondation Mondiale de Scoutisme wäert mat dobäi sinn.

Oflaf vun der Zeremonie

• Depart vun de lokalen Treffpunkten zu Ettelbréck op der Gare (13h45), Esch/Uelzecht op der Gare (13h50), um Geesseknäppchen (14h15) an um Glacis (14h15),
• 14h30 Arrivée vun de Guiden a Scouten op der Kinnekswiss,
• 15h15 Arrivée vum Comité vun der Fondation Mondiale de Scoutisme,
• 15h25 Arrivée vun den Éieregäscht,
• 15h30 Ufank vun der Zeremonie,
• 17h00 Schluss vum Scoutsverspriechen.