Tëscht 22.15 an 2.15 Auer gouf op 3 Plazen an der Stad, an der Rue des Aubépines, Route de Longwy a Rue de Bonnevoie, 162 Automobilisten op Alkohol getest.
15 Mol war d'Resultat positiv. Et gouf 3 Avertissement taxé, an deenen 12 anere Fäll gouf e Protokoll geschriwwen. 4 Chauffere kruten hire Führerschäin nach op der Plaz ofgeholl.
Op der Streck RN7 gouf zu Ettelbréck, Dikrech an an der Houschter-Déckt vun 22 bis 2 Auer kontrolléiert. Do hu 520 Chauffere misse blosen, 7 ënnert hinnen hate méi gedronk wéi erlaabt.
Et goufe 1 Avertissement taxé, 6 Protokoller. Permise goufe keng agezunn.
