RTL-Informatiounen no, huet d'Caritas en Headhunter dermat beoptraagt, e Successeur um Poste vum Philippe Streff ze fannen.
De laangjäregen Caritas-Direkter, dee virdrun bei ArcelorMittal geschafft huet, fänkt nächste Mount bei sengem neie Patron Paul Würth un, wou hien de Finanzdepartement wäert iwwerhuelen.
Deemno e berufflechen Wiessel aus dem sozialen an humanitäre Beräich eriwwer an d'Industrie.
Wien d'Direktioun vun der Caritas mat hire 4 Ënner-Associatiounen iwwerhëlt ass wéi gesot den Ament net gewosst - dës Sich ass am Gaang.
Presidentin vum Verwaltungsrot vun der Fondatioun Caritas ass d'fréier Familljeministesch Marie-Josée Jacobs.
D'Caritas hei am Land gouf 1932 gegrënnt an ass Member vum weltwäiten Caritas-Reseau, deen 165 Memberen zielt.
