D'Suite vun de Covid-Restriktioune mam Impakt op d'Gesellschaft, déi net méi all Schrëtt versteet, muss weider debattéiert ginn.
D'sanitär Kris an nei Souchë vum Virus suerge fir Veronsécherung... wéi domat ëmgoen? Wéi politesch handelen?
Mir hunn driwwer geschwat.
Aner Sujeten am Presseclub waren d'Sanktioune géint d'EU-Deputéiert Semedo an natierlech d'Perspektive fir d'USA ënnert dem President Biden, dee vill Schierbelen ze raumen huet.
Invitéen am Presseclub waren:
de Marc Schlammes vum Wort
de Christoph Bumb vum Online-Magasin Reporter
an den Dhiraj Sabhwarwal aus dem Tageblatt.
E Sonndeg am Presseclub waren de Marc Schlammes (Wort), de Christoph Bumb (Reporter) an den Dhiraj Sabhwarwal (Tageblatt) eis Invitéen.
De Presseclub héiert Dir all zweete Sonndeg kuerz no 11 Auer op RTL Radio Lëtzebuerg, am Livestream op RTL.lu an am RTL Play, wou Dir d'Emissioun dono och an der Rubrik Radio bei den "Emissiounen" fannt.
