Am Laf vum Dënschdegnomëtteg ass et zu Manternach an der Sirdallstrooss zu engem Accident komm. En Auto an en Trakter hate sech ze pake kritt.
Well ënnert anerem den Helikopter vun der Air Rescue am Asaz war, ass d'Strooss gespaart ginn. E Mëttwoch de Moien ass dann am CGDIS-Bulletin ze liesen, datt de Chauffer vum Auto, deen op der Kopp louch, schwéier blesséiert gouf an aus dem Gefier huet missen erausgeschnidde ginn. Nieft der Air Rescue waren och d'Secouriste vu Mäertert, Manternach a Gréiwemaacher-Mäertert am Asaz.
