Vum 11. bis de 15. Mee ass a Bulgarien déi 71. Editioun vum Eurovision Song Contest. Wéi d'EBU, déi fir d'Evenement zoustänneg ass, matgedeelt huet, si bis ewell 36 Länner zu Burgas mat dobäi. Hanner Spuenien a Slowenien steet nach e Fragezeechen. Béid Länner hu sech nach net decidéiert, ob si deelhuelen oder net. Holland an Irland hu scho matgedeelt, datt een aus Boykott géint d'Participatioun vun Israel net deelhëlt, och Tschechien wäert dëst Joer net untrieden.
Zeréck am Panel ass awer Nordmazedonien, déi elo véier Joer laang net bei der Finall vum ESC mat dobäi waren. Och Kanada ass zanter dem leschte Joer offiziell komplette Member vun der EBU an ass deemno och bei dëser Editioun vertrueden.
31 Länner wäerten an den zwou Halleffinallen untrieden, déi den 11. an 13. Mee wäerte sinn. 20 ënnert hinnen treffen dann an der Finall op d'Gaaschtland Bulgarien, esou wéi déi gesate Länner Frankräich, Däitschland, Italien a Groussbritannien, dat de 15. Mee.
Wie Lëtzebuerg op Burga wäert schécken, gëtt an der Finall vum LSC definéiert. 12 Kandidate si bis ewell nach an der Course a Mëtt November gëtt matgedeelt, wie vun hinnen et an déi grouss Finall vum Luxembourg Song Contest, déi den 30. Januar an der Rockhal wäert sinn, packt.
