De Staat lount Gebaier vun enger Gesamtsurface vu knapp 600.000 Meterkaree. Dofir ass e Loyer fälleg vun eppes méi wéi 166 Milliounen Euro pro Joer. Dat geet aus der Äntwert vum Finanzminister Gilles Roth op eng parlamentaresch Fro vum LSAP-Deputéierte Mars Di Bartolomeo ervir.
An engem Tableau gi sämtlech Gebailechkeeten opgelëscht, mat der Lokalitéit wou se sinn. Am Ganze sinn et der 302.
De gréissten Eenzel-Loyer gëtt fir e Gebai an der Stad fälleg, an deem Servicer vum Ausseministère ënnerbruecht sinn: ëmmerhin 6,9 Milliounen € pro Joer.
