Zu Planica ass am Schisprangen traditionell dat leschte d’Sprangen am Weltcup. Op der legendärer Schanz fléien Schisprénger ronderëm de Weltcup-Gesamtgewënner Domen Prevc bei Wäiten iwwer 230 Meter.
E Sonndeg konnt sech den Norweger Marius Lindvik mat Spréng op 238,5 an 231 Meter d’Victoire sécheren. Op déi zweete Plaz flitt den Domen Prevc virum Johann Andre Forgang.
Fir den Domen Prevc geet domat eng beandrockend Saison op en Enn. De Slowen huet net nëmmen d’Véierschanzentournée gewonnen, mee och nach de Gesamt-Weltcup an de Schifléien-Weltcup. Héichpunkt war am Februar awer seng Goldmedail bei den Olympesche Spiller. Eng Saison vun der Superlativ deemno fir de Slowen.
