Luxembourg Ladies Tennis MastersKerber a Radwanska stinn an der Halleffinall

Lynn Kayser

Ben Schlammes

En Donneschdeg huet an der Coque déi 5. Editioun vum Luxembourg Ladies Tennis Masters ugefaangen.

Verëffentlecht: 15.10.26 21:11, Update: 16.10.26 06:52

Luxembourg Ladies Tennis Masters: Angélique Kerber - Monica Puig (15.10.26)

The photos published on this site are subject to copyright and may not be copied, modified, or sold without the prior permission of the owner of the site in question.

Fir den Optakt vun de Véierelsfinalle vum Luxembourg Ladies Tennis Masters krut et d'Gewënnerin vun zejoert Angelique Kerber mat der Puerto-Ricanerin Monica Puig ze dinn. Um Enn war d'Partie eng kloer Affär. Déi fréier Nummer 1 op der Welt huet sech souverän an zwee Sätz mat 6:2 a 6:3 géint d'Puig duerchgesat.

Am nächsten Tour kritt d'Kerber et mat der Polin Agnieszka Radwanska ze dinn, déi sech um Donneschdegowend an zwee Sätz mat 6:1 a 6:4 géint d'Tatiana Golovin aus Frankräich behaapte konnt.

Luxembourg Ladies Tennis Masters: Agnieszka Radwanska - Tatiana Golovin (15.10.26)

The photos published on this site are subject to copyright and may not be copied, modified, or sold without the prior permission of the owner of the site in question.