Am franséische Grenzgebitt konnt e gréissere Reseau opgedeckt gi vu Leit, déi systematesch Koffer geklaut hunn. Knapp 500 Tonnen hate si zanter Ufank 2025 geklaut.
Si waren haaptsächlech am Grand-Est, awer och an der Île-de-France an an der Normandie aktiv, schreift de Républicain Lorrain. De geklaute Koffer hätt ëmmerhin eng Valeur vun iwwer 2,7 Milliounen Euro gehat.
16 Leit goufe festgeholl, vun deenen der sechs an Untersuchungshaft koumen an 10 ënnert Contrôle judiciaire gestallt goufen. An der Haaptsaach wiere Koffer-Kabele vum Reseau vun enger grousser Telekommunikatiounsfirma zerschnidden a matgeholl ginn.
