De Marsch gouf vun enger Koalitioun vu Gewerkschaften organiséiert, dorënner CGT, CFDT, FSU a Solidaires mat der Ënnerstëtzung vu Studenteverbänn. Ënnert de Manifestante waren nieft ville jonke Leit och Familljen a Pensionären.
Den Inneminister Laurent Nuñez hat virdru matgedeelt, datt landeswäit ronn 35.000 Leit un de Protester deelgeholl hunn, géintiwwer 60.000 de leschte Samschdeg. D'Autoritéiten hunn 136 Manifestatiounen an Aktiounen am ëffentleche Raum gezielt géintiwwer 264 de Weekend virdrun.
Bei de soziale Protester a Frankräich goufen e Samschdeg 135 Persoune festgeholl. E groussen Deel vun de Festname wier op Kontrollen an d'Entdecke vu Géigestänn zeréckzeféieren, déi als Waffe kéinte benotzt ginn.
De lénksextreeme Politiker Jean-Luc Mélenchon huet de President Emmanuel Macron e Samschdeg opgefuerdert, de Fuerderunge vun de Manifestanten nozeginn. De Protest géif sech all Woch widderhuelen, bis de President reagéiert.
