De schottesche Regierungschef Jon Swinney vun der schottescher Nationalpartei SNP, de Chef vun der Pro-Autonomie-Partei Plaid Cymru aus Wales, de Rhun Iorweth an d'Michelle O'Neal vun der Sinn-Féin an Nordirland wëlle "préiwen, wéi ee kann zesummeschaffen", heescht et an enger gemeinsamer Erklärung.
Et ass déi éischte Kéier, dass déi dräi sech an där Form gesinn. Si wëllen och déi brittesch Regierung opruffen, Verfassungsännerungen an hiren dräi Länner ze plangen an ze preparéieren. Vu London heescht et awer fir déi dräi Regioune just, dass se brittesch sinn an och wäerte bleiwen.
