No de Parlamentswahlen a Russland sinn aktuell eppes iwwer 90% vun de Stëmmen ausgezielt. D'Regierungspartei ronderëm de Vladimir Putin kéim deemno op eppes méi wéi 57% vun de Stëmmen. Déi Kreml-trei kommunistesch Partei läit bei ronn 14 %. Am Laf vum Dag sollen déi definitiv Resultater bekannt gemaach ginn.
Et kann een awer dervun ausgoen, dass d'Regierungspartei vum Putin nees op eng Zwee-Drëttel-Majoritéit an der Duma wäert kommen, an domat och eleng Verfassungsännerunge ka maachen.
"Gëeenegt Russland" huet zanter 2003 all d'Parlamentswalen gewonnen. Nieft dem Putin senger Partei ware just aner Kreml-trei Parteien zur Wal zougelooss.
Eréischt de leschte Mount gouf d'Anti-Krichspartei Jabloko vun de Walen ausgeschloss. Dat heite war elo déi éischte Kéier, dass d'Biergerinnen a Bierger a Russland nom Ugrëffskrich op d'Ukrain hir Stëmm konnten ofginn. E Krich, deen och ëmmer méi Auswierkungen op déi russesch Zivilgesellschaft huet.
E Sonndeg koum et iwwerdeems nach wärend dem leschte Wal-Dag zu engem massiven ukraineschen Dronen-Ugrëff. De Moskauer Buergermeeschter sot, d'Loftofwier hätt eng 1.600 Drone kënnen ofschéissen. Zwee Doudeger wieren awer ze bekloen. D'Russen hunn hirersäits mat Rakéiten op ukrainesch Stied geäntwert.
