Op Truth Social hat den US-President Trump e Méindeg annoncéiert, datt Russland an d'Ukrain wéilten ophale mat den Ugrëff op géigneresch Energieanlagen. Deen ukrainesche President hat nach op X geschriwwen, dass esou een deseskaléierende Schratt en éischte Schratt a Richtung Fridde wier.
An der Nuecht op en Dënschdeg koum et lo awer zu neien Attacken. D'Ukrain huet russesch Pëtrolsinstallatioune bombardéiert an och Wunnhaiser wiere getraff ginn. Affer hätten et awer keng ginn, wéi russesch Noriichtenagence mellen. Ronn 40 Drone wieren ofgeschoss ginn.
