Den däitsche Fluchverkéier wäert e Méindeg an en Dënschdeg nëmme ganz ageschränkt funktionéieren. D'Pilote vun der Lufthansa wäerten op béiden Deeg streiken. Nieft der Lufthansa selwer sinn och d'Cargo-Airline "Cargo" an d'Duechter-Airline "Cityline" vum Streik betraff , grad ewéi Eurowings. Flich an den Noen Oste wäerten net vum Streik betraff sinn. D'Passagéier musse mat villen Annulatiounen a Retarden rechnen. Virop bei Kuerzstrecken.
Hannergrond vum Streik ass e Sträit tëscht der Pilote-Gewerkschaft "Vereinigung Cockpit" an der Lufthansa. Dem Syndikat geet et ëm eng Zousazpensioun am Betrib an och ëm en neie Kollektivvertrag. Béides wär aktuell net virgesi bei de Fluchgesellschaften. D'Lufthansa-Direktioun kritiséiert d'gewerkschaftlech Mesure an der däitscher Press schaarf. Et wär en neien Niveau vun Eskalatioun.
Flich vu Frankfurt a München op Lëtzebuerg si schonn ofgesot. Dat selwecht gëllt da fir Flich op dës Destinatiounen.
